-16 °С
Облачно
Антитеррор
Все новости
Новости
29 Сентября 2020, 14:15

Һауа торошо йылы булыу сәбәпле йылытыу температураһын көйләү бурысы йөкмәтелде

Граждандарҙан батареяларҙың ныҡ эҫе булыуы тураһында мөрәжәғәттәр бар

Көндәрҙең йылы тороуына бәйле фатирҙарҙа йылытыуҙың температура режимына төҙәтмәләр индерергә кәрәк. Баш ҡала вице-мэры вазифаһын башҡарыусы Радмил Мөслимов бөгөн, 29 сентябрҙә, ҡала хакимиәтендәге оператив кәңәшмәлә ошондай бурыс йөкмәтте.
«Граждандарҙан батареяларҙың ныҡ эҫе булыуы тураһында мөрәжәғәттәр бар. Ресурс менән тәьмин итеүсе предприятиелар менән эште тейешенсә ойоштороғоҙ. Мәсьәләне контролдә тотоғоҙ», — тине ул.
Хәтерегеҙгә төшөрәбеҙ, быйыл баш ҡалала йылытыу миҙгеле ғәҙәттәгенән алдараҡ — 15 сентябрҙә башланды, тип хәбәр иткәйне агентлыҡ.
«Башинформ» мәғлүмәт агентлығы
Читайте нас в