+10 °С
Болотло
«Андрей Геннадьевич, коллегалар һәм етәкселәр, әгәр һеҙ коридорҙа хеҙмәткәрҙәрҙе битлекһеҙ күрһәгеҙ, уларға киҫәтеү яһағыҙ, ике тапҡыр ишетмәһә – эштән бушатырға. Әле бик күп коллегаларыбыҙ сирләй. Әгәр бөтәбеҙ ҙә ауырыһаҡ, республика менән нисек идара итербеҙ?», — тип асыуланды Радий Хәбиров.
«Бөтә кәңәшмәләрҙе онлайн форматта, зумда уҙғарығыҙ, барыһы ла унда нисек эшләргә кәрәклеген белә. Был ни өсөн мөһим? Төрлө кимәлдәге власть органдарында тиҫтәләгән мең кеше эшләй, үҙеңде һаҡлау һәм халыҡҡа әлеге шарттарҙа үҙеңде нисек тоторға кәрәклеген күрһәтеү мөһим. Беҙ ҡарар ҡабул иттек: ҡала һәм район хакимиәттәренә битлекһеҙ инеү тыйыла, әгәр килгән кешеләрҙең битлеге булмаһа, уларға үҙҙәре бирергә тейештәр. 16 октябрҙә контроль идаралығы хеҙмәткәрҙәре ошо йөкләмәнең һәм барлыҡ власть органдарында, ведомство ҡарамағындағы учреждениеларҙа битлек режимының үтәлешен тикшерә башлай», — тип йомғаҡ яһаны Радий Хәбиров.