+13 °С
Болотло
Антитеррор
Бөтә яңылыҡтар
Новости
22 Октябрь 2020, 18:30

Башҡортостанда уртаса эш хаҡы билдәле булды

Беренсе ярты йыллыҡта ул 37 055 һумға еткән.

Башҡортостанда 2020 йылдың ғинуар-авгусында уртаса айлыҡ эш хаҡы 37 307 һумдан ашҡан, тип хәбәр итте республика статистиктары.
Уҙған йылдың ғинуар-авгусы менән сағыштырғанда, республикала уртаса хеҙмәт хаҡы — 4,2 процентҡа, шул уҡ ваҡытта реаль эш хаҡы 1 процентҡа артҡан.
Башстат мәғлүмәттәре буйынса, быйыл ғинуарҙа Башҡортостанда уртаса хеҙмәт хаҡы 35 783 һум тәшкил иткән. Дөйөм алғанда, беренсе ярты йыллыҡта ул 37 055 һумға еткән.
Июлдә республикала уртаса хеҙмәт хаҡы 38 271 һум булған, августа 37 854 һумдан артып киткән.
Реаль хеҙмәт хаҡы индексы ҡулланыусылар тауарҙарына һәм хеҙмәттәргә хаҡтың үҙгәреүенә бәйле эш хаҡының һатып алыу һәләтенең үҙгәреү характеристикаһы өсөн иҫәпләнелә.
Галина Бахшиева
Читайте нас: