Башҡортостанда хаҡлы ялдағылар өсөн мотлаҡ изоляция тәртибе индерелә

Иртәнге 11-ҙән төшкө 1-гә тиклем изоляция тәртибе ғәмәлдә булмай

10 ноябрҙән республикала 65 йәштән өлкәндәр, шулай уҡ хроник ауырыуҙарҙан яфаланғандар өсөн мотлаҡ изоляция режимы башлана. Бөгөн «COVID-2019 таралыу хәүефенә бәйле Башҡортостан биләмәһендә «Юғары әҙерлек» режимын индереү тураһында»ғы указға тейешле үҙгәрештәр индерелә.

Иртәнге 11-ҙән төшкө 1-гә тиклем изоляция тәртибе ғәмәлдә булмай. Был ваҡытта ололар тышта йөрөргә, магазинға һәм башҡа урынға барып килергә мөмкин.

«Ҡалғаны – изоляция тәртибе сиктәрендә, — тине Хәбиров. — Шул уҡ ваҡытта беҙҙең ҡайһы бер ветерандарыбыҙ теге йәки был производствола кәрәк. Был осраҡта оло йәштәге хеҙмәткәрҙең предприятиенан белешмәһе булыуы мөһим».

Бынан тыш, республикала йәнә өлкәндәргә һәм хроник сирҙәрҙән яфаланған кешеләргә ярҙам күрһәтеү буйынса әүҙем эш башланырға тейеш.

«Ололарҙың ирекмәндәрҙән ярҙам алыу мөмкинлеге булһын өсөн хәҙер республикала «Берҙәм Рәсәй»ҙең штабтарын йәйелдереү мөһим. Был эш яҙғыһына ҡарағанда ла ҡатмарлыраҡ һәм күләмлерәк», — тине Башҡортостан етәксеһе.

https://www.bashinform.ru/news/1518720-v-bashkirii-vvodyat-obyazatelnyy-rezhim-samoizolyatsii-dlya-pensionerov/

Галина Бахшиева

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1