Тыуған көнөмдән алып «районка» менән

Ҡоръятмаҫ ауылынан Минсара Рифҡәт ҡыҙы Закарина бер йылға район гәзитенә яҙылып, квитанцияһын редакцияға ебәргән һәм бүләк отҡан.

- «Районка»ны үҙемде иҫләй башлағандан алып беләм, - тип тәьҫораттары менән бүлешә быйыл үҙенең 60 йәшен билдәләгән Минсара Рифҡәт ҡыҙы. – Уны һәр ваҡыт атай-әсәйем алдырҙы, бына инде ҡырҡ йыл минең ғаиләм дә яҙыла. Алыҫ 1980 йылда беҙ гәзиттең даими полписчиктарына әйләндек һәм ошо ғаилә йолаһына тоғро ҡалабыҙ. Бөгөн мин тормошомдо яратҡан гәзитебеҙҙән башҡа күҙ алдына ла килтерә алмайым. Сираттағы һанын түҙемһеҙлек менән көтөп алам һәм унда яҙылғандың барыһын да уҡып сығам. Ғәҙәт буйынса уның һуңғы битенән, иғландар һәм ҡотлауҙарҙан башлайым. Район яңылыҡтары һәм кешеләрҙең уңышы тураһындағы ҡыҙыҡлы мәҡәләләр буйынса тормош иптәшем менән фекер алышабыҙ. Гәзит биттәрендә таныш йөҙҙәрҙе күрһәм, ҡыуанып китәм. Ауылыбыҙ тураһында яҙылған мәҡәләләр тапһам, уларҙы ҡат-ҡат уҡып сығам.
Минсара Закаринаның бүләктәр уйнатыуҙа быға тиклем ҡатнашҡаны булмаған. Шуға бүләк отасағына ышанмаһа ла, был юлы бәхетен һынап ҡарарға уйлаған.

- Эсемдән генә, миңә лә уңыш йылмайһа ярар ине, тип теләнем, әлбиттә. Әммә ышанып етмәнем, - ти ул. – Ә миңә редакциянан шылтыратып, бүләк отоуым тураһында хәбәр иткәс, хатта шатлығымдан ҡаушап төштөм.

Хөрмәтле гәзит уҡыусылар, һеҙҙең һәр ҡайһығыҙ район гәзитенән бүләктәр ота ала. Бының өсөн уға яҙылығыҙ, квитанцияғыҙҙы редакцияға килтерегеҙ һәм «Аҙна һайын - бүләк!» акцияһында ҡатнашығыҙ.

Бынан тыш, подписчиктарыбыҙҙың төп приз – бер тоҡ шәкәр ҡомо отоу мөмкинлеге лә бар. Бының өсөн район гәзитенә 2021 йылдың беренсе ярты йыллығына яҙылырға, артабан квитанцияғыҙҙы редакцияға үҙегеҙгә килтерергә, йәки квитанцияның күсермәһен почта аша 453400, Дәүләкән ҡалаһы, Туҡай урамы, 1 адресына ебәрергә кәрәк. Шулай уҡ квитанцияның сканын йәки фотоһүрәтен редакцияның [email protected] электрон почтаһына ебәрергә мөмкин. Һеҙҙең менән бәйләнешкә инер өсөн телефон һандарығыҙҙы күрһәтергә онотмағыҙ.

Реклама хоҡуғында