«Аҡ Барыҫ» көйәрмәндәре штрафты үҙ кеҫәһенән түләй

«Аҡ Барыҫ» хоккей клубы фанаттары 21 мартта «Уфа-Арена»лағы хәлдән һуң клубҡа һалынған штрафты үҙ кеҫәһенән түләй. Ҡазан командаһы техник регламентты боҙған өсөн язаға тарттырылды. Штраф – 100 мең һум. «Спорт-экспресс» мәғлүмәттәре буйынса, ҡарарҙы «аҡ барыҫтарҙың» фан-клубы ҡабул иткән.

Бынан тыш, Ҡазан һәм Өфө көйәрмәндәре 22 мартта иптәштәрсә уйында осрашырға тейеш ине. Ҡайһы бер мәғлүмәттәргә ярашлы, «Салауат Юлаев» клубы көйәрмәндәре уйындан баш тартҡан.

Бынан алда «Башинформ» плей-офф серияһының өсөнсө уйыны башланыр алдынан «Аҡ Барыҫ» көйәрмәндәренең Башҡортостан гимнын башҡарыуҙы өҙөүе тураһында хәбәр иткәйне. Һуңынан Ҡазан клубы вәкилдәре фанаттар техник өҙөклөк булған тип уйлаған, шуға ҡысҡырып, яратҡан командаһын дәртләндерә башлаған тип белдерҙе.

https://www.bashinform.ru/news/1572341-bolelshchiki-ak-barsa-zaplatyat-100-tysyachnyy-shtraf-kluba-iz-svoego-karmana-/